Tolosaldeko Hitza

Berrobiko Martintxo baserria guztiz erre da; 14:00ak inguruan gertatu da ezbeharra. Baserrian ez zen inor bizi; granja moduan erabiltzen zuten baserria; oilo batzuk besterik ez zituzten bertan. Bertakoak herrian bizi dira eta herritarrek kea zegoela abisatu ondoren bertaratu dira baserrira. Suhiltzaileak berehala gerturatu dira sua itzaltzera; baserria erabat hondatuta geratu da.

Urtarrilaren 14ean Seskea-berri baserria erre zen; gaur, aldamenean aurkitzen den Martintxo baserria. Egun, herrian bizi dira bertako baserritarrak eta soilik oilo batzuk izaten zituzten bertan. Granja moduan erabiltzen zuten. Ezbeharra 14:00ak inguruan izan da; herritarrak kea ikusi dute eta berehala baserritarrei abisatu diete. Bertaratu eta baserria erretzen ari zela egiaztatu dute; suhiltzaileei deitu diete jarraian. Baserriko jabeak, Lermes Belauntzaranek, "eguerdian burnia mozten" izan dela eta ziurrena "baserria txispa bat medio sortutako suaren ondorioz erre dela" azaldu du.