Tolosaldeko Hitza

Datozen hiru urtetan, proiektu ugari gauzatuko dira Berrobin; Jon Jauregik, herriko alkateak, zehaztu duenez, "600 biztanletik 900 izatera pasako da herria". Proiektuen artean, eskola berriaren eta 100 etxebizitzen eraikntza, Kultur Etxearen egokipena... aurkitzen dira.

Proiektu ugari jarriko ditu martxan Udalak datozen hiru urtetan. Mota desberdineko etxebizitzak eraikiko dira, hala nola, bi bizitzakoak, etxebizitza atxikiak, babes ofizialekoak... lan horiek 2005. urte amaieran hasiko dira, herriko alkateak, Jon Jauregik, zehaztu duenez. Izan ere, datozen hiru urtetan 600 biztanle izatetik 900 izatera pasako direla aurrikusten da; horri aurre egiteko, eskola berriaren eraikuntza ezinbestekotzat jo du Udalak; 2005eko urtarrilean hasiko dira lan horiek. Kultur Etxe berria egiten ari dira, bestalde; Urruti baserria egokitu dute. Bertan, liburutegia, herriko taberna, kultur gunea... egongo dira. Herriko plazak ere egokitzeko lanak martxan jarriko dira epe motzean; jolas parkeak, aparkatzeko lekuak... egokituko dituzte bertan.