Tolosaldeko Hitza

Bertso jaialdia antolatu dute Seskea-Berri Altxatu herri taldeko kideek larunbaterako, martxoaren 27rako; saioan eskuratutako dirua Seskea-Berri baserriaren alde bideratuko dute. Bertso saioan, Sebastian Lizaso, Angel Mari Peñagarikano, Jesus Mari Irazu, Amaia Agirre, Jokin Solosabal eta Aitor Mendiluze ariko dira; Beotibarren izango da emanaldia 23:30ean hasita. Sarrerak 10 euro balioko du; txartelak salgai daude dagoeneko eskualdeko hainbat tabernetan: Kontzejua (Leaburu), Egoki (Tolosa), Shanti (Tolosa), Kantabriko (Tolosa), Beti-Alai (Tolosa), Fronton kafetegia (Tolosa), Urkola (Berrobi), Sasturain (Amezketa), Ixkiña (Alegia), Albergea (Aduna) eta Hiru Aldeta (Villabona).